धनगढी- कैलालीमा आफ्नै साथीको प्रेमिकामाथि जबरजस्तीकरणी गरेको आरोपमा एक युवक पक्राउ परेका छन् ।
कैलारी गाउँपालिका–९ गदरिया डिगा भनिने २४ वर्षीय रनबिर रानालाई जबरजस्तीकरणी गरेको आरोपमा पक्राउ गरिएको प्रहरीले जनाएको छ।
जिल्ला प्रहरी कार्यालयकाअनुसार सोही ठाउँ बस्ने १६ वर्षीया नाबालिकालाई जबरजस्तीकरणी गरेको किटानी जाहेरीका आधारमा रानालाई पक्राउ गरिएको हो।
ती किशोरी उनकै मिल्ने साथीको प्रेमिका भएको पाइएको प्रहरी श्रोतले जनाएको छ।
युवतीको प्रेमीले फोटो देखाएका आधारमा ती युवकले युवतीलाई फेसबुकमा साथी बनाएका थिए। उनीहरू दुवै जनाबीच फेसबुकबाटै चिनजान भएको खुलेको छ।
२४ कात्तिकको राति किशोरीलाई उनको घर नजिकैको खेतबारी बोलाएर जबरजस्तीकरणी गरेका थिए।
किशोरी चिच्याएपछि स्थानीयले घटनाबारे थाहा पाएका थिए। उक्त घटना गाउँमै मिलाउने प्रयास समेत भएको थियो तर पीडित पक्षले नमान्दा प्रहरीसम्म पुगेको जिल्ला प्रहरी कार्यालयले जनाएको छ।
