धनगढी- धनगढीमा भोलिदेखि चार दिनको ओशो योग तथा ध्यान शिविर आयोजना हुने भएको छ।
ओशो धारासँग ध्यानकेन्द्र नेपाल धनगढीको आयोजनामा चार दिने युग शिविर आयोजना हुन लागेको आयोजकले जनाएको छ। पछिल्लो समयमा डिप्रेसन तथा विभिन्न समस्याका बिरामीहरू बढ्दै गएको अवस्थामा यसको उपचार भनेकै ध्यान भएको र त झल्किरहेको अवस्थामा धनगढीमा रहेका ध्यान गर्न चाहनेहरूलाई लक्षित गर्दै यो कार्यक्रम आयोजना गरिन लागेको आयोजकको भनाइ रहेको छ।
कार्यक्रममा प्रशिक्षकको रूपमा ओशोधारा सङ्घ नेपालका प्रशिक्षक तथा आचार्यश्रि ओशो अखण्डले बताए । अहिले कैलालीको धनगढीमा तथा विभिन्न बाहिरी जिल्लाबाट समेत उपस्थित हुने हरूका लागि विशेष अवसर रहेको उनले बताए । उनले भने अहिले सुदूरपश्चिम प्रदेश सरकारले पनि आफ्ना कर्मचारीहरूका लागि यो ध्यान शिविरको आयोजना गरेको हुँदा अहिलेको अवसरमा उत्कृष्ट समय रहेको बताए । ध्यान केन्द्रमा ध्यानका विभिन्न विधिहरू योग शिविर र रमाइलो उत्सव रहने बताइएको छ। ध्यान शिविरमा आठ वर्षभन्दा माथिका र आफूलाई इच्छा भएका सम्पूर्ण योगप्रेमीहरूले उपस्थित हुन सकिने आयोजकले जनाएको छ।
यो योग शिविरको माध्यमबाट केही मात्रामा भएपनि मनमा भएको नैरास्यता तथा डिप्रेसनको शिकारमा रहेका व्यक्तित्वहरूमा केही सकारात्मक प्रभाव पर्ने आयोजकले जनाएको छ। फरकफरक चरणमा हुने योग शिविरमध्यको यो पहिलो चरण रहेको र यसभन्दा पछिका चरणमा समेत सहभागिता जनाउनको लागि उपस्थित भइदिन आयोजकले अनुरोध गरेको छ। भोलि अर्थात् पुष ३ गते बिहान ७ बजेदेखि धनगढीमा रहेको आफ्नो घर टेम्पल रिसोर्टमा कार्यक्रम सुरु हुने आयोजकले जनाएको छ।
