धनगढी - दीपेन्द्र लामाले निर्देशन गरेको चलचित्र ‘दुखी आत्मा’को प्रदर्शन मिति तय भएको छ ।
सोसल कमेडी चलचित्र ‘दुखी आत्मा’ भ्यालेन्टाइन्स डेको दिन अर्थात् २ फागुनमा प्रदर्शन गर्ने निर्माण ब्यानर क्लक वर्क कृएसनलले जनाएको छ ।
दयाहाङ राई, आँचल शर्मा, अनुपविक्रम शाही, बुद्धि तामाङ, रेअर राई लगायतका कलाकारले अभिनय गरेको फिल्मका निर्माता हिमाल कडरिया हुन् । ‘दुखी आत्मा’ उनीहरूको दोस्रो सहकार्य हो ।
काठमाडौँको सेरोफेरोमा खिचिएको फिल्मको कार्यकारी निर्माता सुदीप ढकाल रहेका छन्। आलोक शुक्लाले खिचेको फिल्म आरआर फिल्मस्ले वितरण गर्नेछ जनाएको छ ।
