शेरबहादुर ऐर धनगढी– सुदूरपश्चिम प्रदेशका मुख्यमन्त्री कमलबहादुर शाहले दोस्रो पटक पदभार ग्रहण गर्दै प्रदेश सरकारमा भएको भ्रष्टचारलाई नियन्त्रण गर्ने निर्णय दोहोर्याएका छन् ।
सोमबार कार्यालयमा पदभार ग्रहण गर्दै धारणासंग कार्यभारको दोस्रो निर्णय पढ्दै सुनाए । उनले भने –‘भ्रष्टाचारमा कमी ल्याएर प्रदेशमा सुशासन कायम मेरो प्राथमिकता नै पर्छ ।’
निर्णयको प्रस्तावमा हष्ताक्षर गर्दै उनले वित्तिय अनुशासन, सुशासन प्रवद्र्धन र भ्रष्टाचार न्यूनिकरणका लागि अध्ययन गरि १५ दिनभित्र प्रतिवेदन पेश गर्न समिति गठन गरिएको छ ।’ मुख्यमन्त्री शाहले प्रदेश मातहातका मन्त्रालय, निकाय तथा कार्यालयहरुमा समितिले अध्ययन गरि प्रतिवेदन पेश गर्नुपर्ने बताए ।
सो समिति प्रदेश प्रमुख सचिवको संयोजकत्वमा मन्त्रालयका सचिवहरु सदस्य रहने गरि समिति गठन गरिएको छ ।
मुख्यमन्त्री शाहले पहिलो पटक पदभार ग्रहण गर्दा पनि सोही निर्णय गरेका थिए । सो समयमा मुख्यमन्त्री शाहले प्रदेश सरकार मातहत हुने कार्यायोजना तर्जुमा गर्नु प्रदेश सरकारले एक समिति बनाउने बताएका थिए ।
उनले भनेका थिए, ‘प्रदेशमा भ्रष्टाचार हुने गरेको गुनासो छ । भ्रष्टाचारका कुराहरु आएका छन् । भ्रष्टाचार नियन्त्रणका लागि कार्य योजना तर्जृमा गर्न समिति गठन गर्ने निर्णय गरेका छौँ । ३० दिनभित्र समितिले प्रतिवेदन बुझाउने छ ।’
तर, सो समितिले प्रतिवेदन पेश गरेको वा नगरेकोबारे सो समयमा कुनै ठाउँबाट सार्वजनिक भएनन् । मुख्यमन्त्री शाहले दोस्रो पटक कार्यभार सम्हाल्दै गर्दा सोही निर्णयलाई दोहोर्याउँदै –‘प्रदेशका जनतामा निराशा आउने गरि मेरो नेतृत्वको सरकारले काम गर्ने छैन् । जनताका आशा अनुसार अघि बढ्दै प्रदेश विकास र समृद्धिका बाटोमा अघि बढ्ने गरि काम गरिनेछ ।’
