धनगढी। रोजगारी मूलक शिक्षासँगै रोजगारी मुुलक शिक्षा प्रदान गरिरहेको धनगढीको रेडिकल एकेडेमीले हाम्रो धनगढी सफा धनगढी अभियान अन्तर्गत धनगढी उपमहानगरपालिकालाई साथ सहयोग गरिरहेको छ।
सिपमूलक समाज र समृद्ध समाजको निर्माणमा लागिरहेको एकेडेमीले आफ्नो वरपरको वातावरण सफा र सभ्य समाजको परिकल्पना गरी धनगढी महानगरपालिका वार्ड नं १ मा सरसफाई कार्यक्रम गरेको छ।
आफू वरपरको वातावरण सफा गर्न सकेमा आफू पनि सभ्य नागरिक हुने र देश पनि सभ्य भन्ने रेडिकल एकेडेमीमा अध्ययनरत छात्रा भगवती चन्दले बताइन्।
यस्तै धनगढी उपमहानगरपालिकाले चालिरहेको यो कदम स्वागतयोग्य भएको र आफू वरपरको वातावरण स्वयं आफूले नै सफा गर्नुपर्ने र रेडिकल एकेडेमीको उद्देश्य नै सीमूलक समाज र समृद्ध समाज रहेको र सो निर्माणको लागि आफू सधैँ लागिरहने रेडिकल एकेडेमीका म्यानेजिङ डाइरेक्टर प्रकाश छेडालले बताए।
