धनगढी/नेपाल सरकारद्वारा निर्माणजन्य सामग्रीहरूमा गरिएको अत्यधिक मूल्यवृद्धिका कारण निर्माण उद्योग चरम संकटमा परेको भन्दै निर्माण व्यवसायी संघ कैलालीले विरोध जनाएको छ ।

संघले आफ्ना मागहरू सम्बोधन नभएको भन्दै बुधबार जिल्ला प्रशासन कार्यालय कैलालीमार्फत नेपाल सरकारलाई ज्ञापनपत्र बुझाएको हो । निर्माण व्यवसायीहरूले मूल्यवृद्धिका कारण निर्माण कार्य प्रभावित भएको, व्यवसाय सञ्चालन गर्न कठिनाइ भएको तथा समग्र निर्माण क्षेत्र नै संकटतर्फ धकेलिएको बताएका छन् । उनीहरूले सरकारसँग निर्माण सामग्रीको मूल्य नियन्त्रण, व्यवसायीमैत्री नीति तथा निर्माण क्षेत्रलाई राहत हुने कार्यक्रम ल्याउन माग गरेका छन् ।