कैलालीको गोदावरी वडा न. ३ मा रहेको श्री ग्वासी माध्यमिक विद्यालयको चारकोठे भवन उद्घाटन तथा सम्मान कार्यक्रम सम्पन्न भएको छ । चारकोठे भवन उद्घाटन तथा सम्मान कार्यक्रमका प्रमुख अतिथी गोदावरी नगरपालिकाका नगर प्रमुख बिरेन्द्र भट्टले शिक्षा र स्वास्थ्य क्षेत्रलाई गोदावरी नगरपालिकाले पहिलो प्राथमिकतामा राखेको बताउनुभयो।
कार्यक्रममा विद्यालय व्यवस्थापन समिति अध्यक्ष रमेश ताम्राकारले नगरपालिका र प्रदेश सरकारको ३०-३० लाख लगानीमा ४ कोठे पक्की भवन निर्माण सम्पन्न भएको बताएका छन । साथै नगर प्रमुख भट्टको सहयोग बाट निर्माण भएको भवनले बिद्यालयलाई थप सहयोग पुगेको र आगामी दिनमा पनि यस बिद्यालयमा रहेका भवनहरु जीर्ण अबस्थामा रहेको जानकारी सँगै थप सहयोगका लागि पनि माग गरेको बताएका छन । साथै भवन निर्माण सम्पन्न भएको उल्लेख गर्दै स्थानीय सरकारप्रति आभार व्यक्त गर्नुभयो।
