दलगत राजनीति त्यागेर स्वतन्त्र रुपमा जनताका मुद्दा बोकेर काम गर्न आफू उम्मेदवार भएको उनले बताए । उनले दलका उम्मेदवारहरुसँग टक्कर नभइ स्वच्छ प्रतिस्पर्धा भनेका छन् । स्वतन्त्र उम्मेदावार पन्तले भेट हुँदा पनि मत नमाग्ने गरेको दशरथचन्द नगरपालिका–४ गडीका चिया पसले टेकसिंह कुँवरले बताए । ‘मेरै पसलमा पन्तसहित धेरै जना चिया पिउँदा अरुले तपाई पनि उम्मेदवार हो भनेर सोध्दा उनले हजुर म पनि उम्मेदवार हुँ भन्ने मात्र जवाफ फर्काउँछन्,’ कुँवरले भने, ‘तर उनले मलाई पनि एक मत दिनु भनेर भनेको सुनिँदैन ।’

राप्रपाको राजनीति गरेका पन्तले एक वर्षदेखि पार्टी छाडेर स्वतन्त्र रुपमा सामाजिक काममा संलग्न हुँदै आएको बताए ।