धनगढी । कैलालीमा श्रीमतीको हत्या गरेर एक जनाले आफूमाथि समेत गाेली चलाएका छन्।
गोदावरी नगरपालिका–४ अमलेशैनी गाउँमा अन्दाजी ३१ वर्षीय राम बहादुर मगरले जंगलमा बाख्रा चराउन गएका बेला श्रीमती २८ वर्षीया संजिता मगरकाे हत्या गरेको प्रहरीले जनाएको छ ।
कैलालीका निमित्त प्रमुख प्रहरी नायब उपरीक्षक(डीएसपी) याेगेन्द्र तिमिल्सिनाले विवादका क्रममा मगरले आफूसँग रहेको भरुवा बन्दुकबाट श्रीमतीलाई गोली हानी हत्या गरेकाे बताए ।
श्रीमतीकाे हत्यापछि उनले सोही बन्दुकले गोली हानेका थिए । घाइते अवस्थाका उनकाे सेती प्रादेशिक अस्पतालमा उपचार भइरहेको छ ।
*उनकी श्रीमतीको शव भने घटनास्थलमै रहेको छ । माइती पक्ष पुगेपछि मात्र उठाइने प्रहरीले जनाएको छ ।
घटनाबारे थप अनुसन्धान जारी छ।
