राष्ट्रिय सभा निर्वाचनमा सुदूरपश्चिमका ५३ प्रदेशसभा सदस्यमध्ये ५१ जनाले मतदान गर्नेछन्। प्रदेशसभा सदस्य दीर्घ सोडारी भ्रष्टाचार काण्डका कारण निलम्बनमा परेका छन् भने डाक्टर तारा जोशी प्रतिनिधिसभा सदस्यका उम्मेदवार भएकाले मतदानमा सहभागी नहुने भएका छन्। यस्तै, प्रदेशका ८८ स्थानीय तहका १७६ प्रमुख–उपप्रमुखमध्ये १७३ जनाले मात्रै मतदान गर्न पाउने सुदूरपश्चिम प्रदेश निर्वाचन कार्यालयका प्रमुख प्रेम भट्टले जानकारी दिएका छन्। उनका अनुसार मतदान भोलि बिहान ९ बजेदेखि दिउँसो ३ बजेसम्म हुनेछ।