धनगढी । कैलाली जिल्ला अदालतमा २००७ सालदेखि हालसम्मका ३० हजार बढि मुद्दाका मिसिल जलेका छन् ।
२४ भदौमा भएको जेनजी आन्दोलनका क्रममा प्रदर्शनकारीले अदालत नियन्त्रणमा लिएर आगजनी तथा ताेडफाेड गरेपछि ३० हजार तीन सय ४४ मुद्दाका मिसिल फेला नपरेको अदालतले जनाएको छ ।
जिल्ला अदालतका निमित्त श्रेस्तेदार दिवानीराम लाेहारले सार्वजनिक गरेकाे जलेर नष्ट भएका वा फेला नपरेका मुद्दाकाे विवरणमा विभिन्न शाखामा रहेका मुद्दाका मिसिल अहिलेसम्म नभेटिएकाे बताएका छन्। लाेहारले अभिलेख शाखामा २००७ सालदेखिका २९ हजार ७७७ मुद्दाका मिसिल फेला नपरेकाे उल्लेख गरेका छन् ।
यस्तै, मुद्दा दर्ता फाँटका चालू र फैसला भएका २११, मुद्दा फाँट सरल-१ मा १०७, मुद्दा फाँट सरल-२ मा रहेका २४६, मुद्दा फाँट समान्य-१ र २ मा रहेका तीन थान मुद्दाका मिसिल फेला नपरेकाे उल्लेख छ ।
